राष्ट्रिय अविष्कार केन्द्रका संस्थापक महावीर पुनले १ सय १८ ओटा एम्बुलेन्सलाई नि:शुल्क पिपिई बाडेका छन्।
पिपिई नभएको कारण एम्बुलेन्स चालकले बिरामी ओसार्न नमानेको थाहा पाएपछि उनले एम्बुलेन्स चालकलाई पिपिई लिन आउन आग्रह गरेका थिए।
अविष्कार केन्द्रमा दैनिक १२० देखि १३० वटासम्म पिपिई उत्पादन भइरहेको उनले जानकारी दिए। त्यस्तै अविष्कार केन्द्रबाट नेपालभर १ सय ५० भन्दा धेरै अस्पतालले पिपिई लगेको पुनले बताए।
केही दिनअगाडि पिपिई बनाउनको लागि आर्थिक अभाव भएको भन्दै पुनले ७ लाख रुपैयाँ सापट मागेका थिए। त्यस रकममध्ये ४ लाख सापटी र ३ लाख दान पाएको उनले जानकारी दिए।
