विपत्तिको मौका छोपी व्यापारीले बजारमा एकाधिकार (कार्टेलिङ) जमाउँदै अधिकांश खाद्य सामग्रीमा भारी मूल्यवृद्धि गरेका छन्। दाल, चामल, खानेतेल, तरकारीलगायत अधिकांश खाद्य वस्तुको भाउ अस्वाभाविक रुपमा बढाइएको छ।
विश्वभर महामारीको रुपमा फैलिएको कोरोना संक्रमण रोक्न नेपाल सरकारले गरेको बन्दाबन्दीले जनजीवन नै तहसनहस भएका बेला उपभोक्ताको ढाड सेक्ने गरी मूल्य बढाएका छन्।
उदयपुरमा बन्दाबन्दी अगाडी ४० रुपैया प्रतिकेजी बिक्री हुदै आएको चामललाई अहिले ४ रुपैया बढाएर ४४ रुपैया प्रतिकेजी बिक्री भईरहेको छ। चैत्र महिनाको पहिलो हप्ता प्रतिकेजी ९० रुपैयाले बिक्रीभइरहेको दाललाई अहिले प्रतिकेजी १५ देखी २० बढाएर ११० सम्म बिक्री भइरहेको छ।
खाने तेल चिनी लगाएतका आबस्यकिय खाद्य सामाग्रीमा पनि भारी मूल्यवृद्धि गरेका छन्। चिनीमा प्रतिबोरा १५० सम्म मुल्यबृद्धि गरेका छन् भने खाने तेलमा प्रति कार्टुन १०० रुपैया वृद्धि गरेका छन्।
बन्दाबन्दी अबस्थामा जिल्ला प्रशासनबाट पास लिएर निर्वाध रुपमा ढुवानी गर्न पाएका ब्यापारी हरुले आफु खुसी मूल्यवृद्धि गर्दा बन्दाबन्दीले जनजीवन नै तहसनहस भएका उपभोक्ताको ढाड सेकिएको छ।
नगरले वितरण गरेको राहत खाद्य सामाग्रीमा समेत ब्यापारी हरुले साविकको भन्दा मूल्यवृद्धि गरेर पैसा लिएको नगरपालिका वडाअध्यक्षहरु बताउछन।
