काठमाडौं – नेपालमा पछिल्ला केही दिनयता कोरोना भाइरस (कोभिड–१९) को संक्रमण दर बढेको छ ।
मुख्यत भारतीय सीमा नाका र विदेशबाट आएकाहरुका कारण जोखिम बढेको हो । कोरोना परीक्षणको दायर बढाइए पनि ‘कन्ट्र्याक्ट ट्रेसिङ’ र ‘ट्र्याकिङ’ प्रभावकारी बन्न सकेको छैन ।
पछिल्ला तीन दिनको अवधिमा पाँच जनामा कोरोना संक्रमण पुष्टि भएको छ । संक्रमण दर बढ्न सक्ने भन्दै सतर्क रहन चिकित्सकले सुझाएका छन् ।
८१ दिनको अवधिमा १४ जनालाई कोरोना भाइरस संक्रमणको पुष्टि भएको छ। जसमध्य ११ जना नेपाली नागरिक रहेका छन् भने ३ भारतीय नागरिक रहेको स्वास्थ्य तथा जनसंख्या मन्त्रालयले जनाएको छ।
