देशकै सबैभन्दा बढी कोरोना संक्रमित भेटिएको उदयपुरमा हाल सम्म १ हजार १ सय १३ जनाको पिसिआर परिक्षण गरिएको छ। हाल सम्म पिसिआर परिक्षण गरेका मध्ये ३१ जनाको रिपोर्ट पोजेटिभ देखिएको छ।
यस अघि २८ जनामा कोरोना संक्रमण देखिएको थियो भने आज शनिबार आएको रिपोर्टमा फेरी थप ३ जनामा कोरोना संक्रमणको पुष्टि भएको छ
कोरोना रिपोर्ट पोजेटिभ देखिएका ३१ मध्ये १४ जना कोरोना अस्पताल बिराटनगरबाट निको भएर डिस्चार्ज भइसकेका छन् भने बाकी १७ जनाको अवस्था पनि सामान्य रहेको जनस्वास्थ्य कार्यालय उदयपुरले जनाएको छ।
पिसिआर परिक्षण गरिएका मध्ये ३ सय ८५ जनाको रिपोर्ट आउन बाकी रहेको जनस्वास्थ्य कार्यालयका प्रमुख मोहन प्रसाद सुबेदीले जानकारी दिए। आरडिटी परिक्षणको विश्वसनीयता नभएपछि उदयपुरमा पिसिआर परिक्षणको दायरा फराकिलो पारिएको हो।
कोरोनाको इपिसेन्टर बनेको उदयपुरमा हाल ८ महिला सहित ६६ जना क्वारेन्टाइनमा छन् भने ४ सय ६० जना होम क्वारेन्टाइनमा छन्।
