काठमाडौं । नेपालमा एकै दिन ५७ जनामा कोरोना संक्रमण पुष्टि भएको छ । पर्सा, कपिलवस्तु, रुपन्देही र बाराका गरेर ५७ जनामा संक्रमणको पुष्टि भएको हो।
जसमा पर्सामा मात्र ३९ जना रहेका छन् । त्यस्तै कपिलवस्तुका ८, रुपन्देहीका ९ र बाराका १ जना छन् ।
थपिएका संक्रमित सबै पुरुष रहेको स्वास्थ्य तथा जनसंख्या मन्त्रालयका सहप्रवक्ता डा. समीरकुमार अधिकारीले जानकारी दिए ।
संक्रमित सबैको अवस्था सामान्य रहेको र उनीहरु स्वास्थ्यकर्मीको निगारानीमा रहेको बताइएको छ।
योसँगै नेपालमा कोरोना संक्रमितको संख्या १ सय ९१ पुगेको छ ।
