रुकुम घटना : भेरी नदीमा एक युवकको डोरीले हात बाधेको अवस्थामा शव भेटियो

Logo
बिहिबार, जेठ १५, २०७७

काठमाडौं : रुकुम पश्‍चिममा भएको घटनामा बेपत्ता युवामध्ये एकजनाको शव फेला परेको छ। स्थानीय, प्रहरी र गोताखोरको टोलीले भेरी नदिको किरानमा आज १८ वर्षीय लोकेन्द्र सुनारको शव फेला परेको जाजरकोटका डिएसपी किशोर श्रेष्ठले जानकारी दिए।

रुकुम पश्‍चिमका डीएसपी ठगबहादुर केसीले ती युवकको शव डोरीले हात बाँधेको अवस्थामा शव फेला परेको बताएका छन् । उनको टाउकोमासमेत चोट लागेको देखिएको छ। यसअघि भेरी नगरपालिका–४ का नवराज बिक र गणेश बुढा मगर तथा चौरजहारी नगरपालिका–१ का टीकाराम सुनारको शव भेटिएको थियो।

उनका अनुसार अझै सन्दीप विक र गोविन्द शाही बेपत्ता छन्। हराइरहेका यूवाहरुको खोजीमा हिजो मंगलबारबाट सशस्त्रको गोताखोरं परिचालन गरिएको डिएसपी श्रेष्ठले जानकारी दिए।

भेरीमा ४ जना सशस्त्रका गोताखोरले बेपत्ता युवाहरुलाई खोजिरहेका छन्। साथी नवराज विककी प्रेमिका लिन आएका जाजरकोटका युवालाई शनिबार रुकुमको चौरजहारी नगरपालिका–८ सोतीमा स्थानीयले लखेटेर हत्या गरेका थिए।

घटनामा संलग्‍नमध्ये वडाअध्यक्ष डिल्ली मल्लसहित १२ जनालाई प्रहरीले नियन्त्रणमा लिएर अनुसन्धान अघि बढाइसकेको छ। पीडित परिवारले जिल्ला प्रहरी कार्यालय जाजरकोटमा २० जनाविरुद्ध किटानी जाहेरी दिइसकेका छन्।

चौरजाहरी नगरपालिका-८ का वडाध्यक्ष डम्बरबहादुर मल्ल, युवतीका बुवा वीरबहादुर मल्ल, आमा प्रकाशी मल्ल, सन्तोष मल्ल, रमेश मल्ल, मोहन पुनमगरलगायत २० जनाविरुद्ध कर्तव्य ज्यानसम्बन्धी जाहेरी परेको जाजरकोटका प्रहरी प्रमुख प्रहरी नायव उपरीक्षक किशोरकुमार श्रेष्ठले बताएका छन्।

घटनाको छानबिन गर्न सरकारले गृह मन्त्रालयका सहसचिव जितेन्द्र बस्नेतको संयोजकत्वमा पाँच सदस्यीय छानविन समिति बनाइसकेको छ। यो समितिमा नेपाल प्रहरी, राष्ट्रिय अनुसन्धान विभाग, महान्यायाधीवक्ताको कार्यालयका र गृहमन्त्रालयकै एकजना उपसचिव पनि सदस्य छन्।

तपाईको प्रतिक्रिया
हाम्रो टिम

अध्यक्ष/प्रकाशक: खेमराज दाहाल

बरिष्ठ सम्पादक : पर्शुराम थापा

सम्पादक: शुसिला रेग्मी

सम्पर्क

सम्पर्क : ९८४०१६५५३५/९८५२८६५५३५
ठेगाना :-उदयपुर गाईघाट
सुचना बिभाग दर्ता नम्बर – २१५८/ ०७७-७८
इमेल:[email protected], [email protected]

हाम्रो बारे

solutonkhabar.com  अनलाइन खोज मुलक समाचारको डिजिटल समाचार माध्यम हो । मोफसलमा क्रियाशिल संचारकर्मीहरु द्वारा संचालित solutonkhabar.com र सोलुसन अनलाइन टेलीभिजनमा समसामयीक र नागरिकका असंतुष्टिहरु केलाउदै समाधान को प्रयास खोज्ने गरिन्छ ।