‘निको भएका ९० प्रतिशत कोरोना संक्रमितको फोक्सोमा खराबी’

Solution Khabar आइतबार, साउन २५, २०७७

चीनको वहान क्षेत्रबाट फैलिएको नोवेल कोरना भाइरस कोभिड १९ का बिरामीको संख्या हाल सम्म झन्डै २ करोड पुगेको छ। संसारका २ सय १५ देशमा फैलिएको कोरोना भाइरसका कारण हाल सम्म विश्वमा करिव ७ लाख २५ हजार मानिसको ज्यान गएको छ भने १ करोड पच्चीस लाख बढी मानिस निको भएर घर फर्किएका छन्।

नेपालमा पनि २२ हजार बढीलाई कोरोनाको संक्रमण देखिएको छ। जसमा १५ हजार बढी निको भएर घर फर्की सकेका छन भने मृत्यु हुनेको संख्या ७० पुगेको छ। विश्वका धेरै बिकसित मुलुकहरुले कोरोनाविरुद्धको भ्याक्सिन निर्माण गरि रहेका छन्। हाल विश्वका १ सय २० ठाउँमा कोरोना भाइरसको भ्याक्सिन बनाउने प्रयास भइरहेको छ। १३ ठाउँमा क्लिनिकल ट्रायल समेत भएका छन्।

तर चीनको वुहानको अस्पतालमा कोभिड–१९ बाट निको भएका ९० प्रतिशत संक्रमितको फोक्सोमा अझै पनि खराबी देखिएको एक प्रतिवेदनले देखाएको छ । साथै पाँच प्रतिशत निको भइसकेका संक्रमितमा पुनः कोरोनाको लक्षण पाइएको छ ।

चीनको झोङनान हस्पिटल अफ वुहान युनिभर्सिटीका पेङ झियोङको टोलीले गरेको गरेको अनुसन्धानमा यस्तो पाइएको हो । गत अप्रिलदेखि उक्त टोलीले कोरोना भाइरसका एक सय जना संक्रमितको फलोअप गरिरहेको छ । जसको पहिलो चरणको अध्ययन गत जुलाइमा सकिएको थियो । एकसय संक्रमितको औसत उमेर ५९ थियो ।

पहिलो चरणको अध्ययनको क्रममा ९० प्रतिशत मानिसहरु अझै पनि फोक्सोमा खराबी रहेको अवस्थामा छन् । यसको अर्थ यी मानिसहरुमा फोक्सोले वायुसञ्चार र ग्यास एक्सचेन्जको काम स्वस्थ मानिसको जसरी अझै पनि गर्न नसकेकोउक्त प्रतिबेदनमा उल्लेख छ।

उक्त टोलीले संक्रमितहरुको ६ मिनेटको वाकिङ टेस्ट गरेको थियो । या परीक्षणमा संक्रमितहरु ६ मिनेटमा चार सय मिटर मात्र हिँड्न सकेका थिए । जबकी स्वस्थ मानिस ६ सय मिटर हिँड्न सक्छन् ।

निको भएकामध्ये केही संक्रमित अस्पतालबाट डिस्चार्ज भएको तीन महिनापछि पनि अक्सिजन मेसिनमा निर्भर देखिएको डोङझिमेन हस्पिटलका लियाङ टेङ्सिायाओले बताए । उनको टोली पनि अहिले ६५ वर्ष उमेरभन्दा माथिका निको भएका संक्रमितमाथि फलोअप अध्ययन गरिरहेको छ ।

पेङको टोलीले गरेको अनुसन्धानको क्रममा एक सय निको भइसकेका संक्रमितमध्ये १० प्रतिशतमा विकास भएको एन्डिबडी हराइसकेको देखिएको छ । पाँच प्रतिशत मानिसको इम्युनोग्लोबुलिन एम (आईजीएम)को परक्षिण पोजेटिक आएको छ । यद्यपि उनीहरुको न्युक्लिक एसिड परीक्षण भने नेगेटिभ आएको थियो ।

मानिसको शरीरमा आईजीएम कोरोना भाइरसले आक्रमण गरेपछि बन्ने पहिलो एन्टिबडी हो । आईजीएम परीक्षणमा पोजेटिभ देखिनुको अर्थ उक्त व्यक्ति भर्खरै कोरोना भाइरसबाट संक्रमित भएको हो भन्ने हुन्छ । यद्यपि यी मानिसहरु पुनः संक्रमित भएका हुन् कि होइनन् भन्ने स्पष्ट हुन सकेको छैन ।

अहिलेको नतिजाले संक्रमितहरुको प्रतिरोधी प्रणाली अझै पनि सुधार हुने क्रममा रहेको देखाएको अनुसन्धानमा संलग्न शोधकर्ताहरुले बताएका छन् ।

निको भइसकेका संक्रमितमा डिप्रेसन र दमको झझल्को आउने समस्या देखिएको छ । निको भएका संक्रमितमध्ये अधिकांशले आफ्ना परिवारहरुले एउटै टेबलमा बसेर खाना खान नमान्ने गरेको गुनासो गरेका थिए । एक सय निको भएका संक्रमितमध्ये आधाभन्दा कम मात्र आफ्नो नियमित काममा फर्केका छन् ।

सम्पर्क

शोलुसन मिडिया प्रा.ली.
दर्ता नं. : – xxxxxxx
ठेगाना :- उदयपुर गाईघाट
सम्पर्क : – ९८४०१६५५३५
इमेल :- [email protected]

सामाजिक संजाल

हाम्रो टिम

अध्यक्ष/प्रकाशक: खेमराज दाहाल
सम्पादक: महेश खनाल
न्युज डेस्क – बिना मगर, चित्र मगर

हाम्रो बारे

सोलुसन खबर डट कम अनलाइन खोज मुलक समाचारको डिजिटल समाचार माध्यम हो । मोफसलमा क्रियाशिल संचारकर्मीहरु द्वारा संचालित सोलुसन खबर डट कम र सोलुसन अनलाइन टेलीभिजनमा समसामयीक र नागरिकका असंतुष्टिहरु केलाउदै समाधान को प्रयास खोज्ने गरिन्छ ।