विराटनगर – प्रदेश १ मा बुधबार ९१ जना कोरोना संक्रमित थपिएका छन् । मोरङमा ४२, सुनसरीमा ३७, झापामा ४, पाँचथरमा २, ताप्लेजुङ र ते¥हथुममा १–१ र प्रदेश १ बाहिरका ४ जना रहेको सामाजिक विकास मन्त्रालयले जनाएको छ ।
मन्त्रालयका अनुसार मोरङको विराटनगरमा ११ महिला १३ पुरुष, पथरीशनिश्चरेमा ३ महिला ३ पुरुष, जहदामा ३ महिला ३ पुरुष, सुन्दरहरैँचामा १ महिला २ पुरुष, ग्रामथान, कटहरी र मिक्लाजुङमा १–१ पुरुषको रिपोर्ट पोजेटिभ आएको छ ।
सुनसरीको इटहरीमा २४ महिला ७ पुरुष, दुहवीमा २ महिला २ पुरुष, स्थानीय तह नखुलेका २ पुरुष, झापाको गौरादहका १ पुरुष, स्थानीय तह नखुलेका ३ पुरुष, पाँचथरको फालेलुङमा २ पुरुष, ताप्लेजुङमा १ पुरुष, ते¥हथुमको छथरमा १ पुरुष र प्रदेश १ बाहिरका २ महिला २ पुरुषको रिपोर्ट पोजेटिभ आएको सामाजिक विकास मन्त्रालयले जनाएको छ । प्रदेश १ मा कोरोना संक्रमितको संख्या ५ हजार ९५० पुगेको छ ।
प्रदेश १ मा बुधबार २७ जना डिस्चार्ज भएका छन् । मारवाडी सेवा सदन आइसोलेसन विराटनगरबाट १३, मेची अस्पताल, झापाबाट सात, कोशी अस्पताल कोभिड १९ उपचार केन्द्र, विराटनगरबाट ५, कालीसदन आइसोलेसन विराटनगर र कोभिड–१९ आइसोलेसन अस्पताल, गोठगाउँबाट १–१ जना डिस्चार्ज भएका छन् । प्रदेश १ मा डिस्चार्ज हुनेको संख्या २ हजार ६१९ पुगेको छ ।
प्रदेश १ मा बुधबार ८ सय ८ जनाको पीसीआर परीक्षण गरिएको छ । परीक्षण गरिएका मध्ये ४६ महिला र ४५ पुरुषको रिपोर्ट पोजेटिभ आएको छ । हाल सम्म १ लाख १८ हजार ६९६ जनाको पीसीआर परीक्षण गरिएको सामाजिक विकास मन्त्रालयले जनाएको छ ।
यता पछिल्लो २४ घन्टामा देशभर थप १ हजार १७२ जनामा कोरोना भाइरसको संक्रमण पुष्टि भएको छ । स्वास्थ्य तथा जनसंख्या मन्त्रालयको नियमित प्रेस ब्रिफिङमा प्रवक्ता प्रा.डा. जागेश्वर गौतमले उक्त जानकारी दिनुभएको हो । यो सहित नेपालमा कोरोना संक्रमितको संख्या ६७ हजार ८०४ जना पुगेको छ ।
जसमध्ये ४९ हजार ९५४ जना उपचारपछि निको भएका छन् । काठमाडौं उपत्यकामा ६३७ जना नयाँ कोरोना संक्रमित थपिएका छन् । काठमाडौंमा ४९२, भक्तपुरमा ९५ र ललितपुरमा ५० जनालाई कोरोना पुष्टि भएको छ ।हाल सक्रिय संक्रमितको संख्या १७ हजार ४१४रहेको छ । पछिल्लो २४ घन्टामा थप १८९३ जना डिस्चार्ज भए ।
यसैबीच पछिल्लो २४ घण्टामा ७ जनाको मृत्यु भएको छ । कोरोनाबाट मृत्यु हुनेको सख्या ४३६ पुगेको छ । २४ घण्टामा ९ हजार ४९७ सय जनाको पिसिआर परीक्षण भएको छ ।
