काठमाडौं । पछिल्लो २४ घण्टामा ३४३९ जनामा कोरोना भाइरस (कोभिड-१९) को संक्रमण पुष्टि भएको छ । एकै दिन थपिएकाे याे संख्या अहिलेसम्मकै उच्च हाे।
देशभरका प्रयोगशालामा १४ हजार २०९ नमुना परीक्षण गर्दा उनीहरुमा संक्रमण पुष्टि भएको हो । थपिएका संक्रमितमध्ये १६८४ जना काठमाडौं उपत्यकाका छन् ।
स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार पछिल्लो २४ घण्टामा सो संख्याका संक्रमित थपिएका हुन्। यीसहित हालसम्म संक्रमित हुनेको संख्या ९४ हजार २५३ पुगेको छ।
यस अवधिमा कोरोनाबाट १ हजार १ सय २६ निको भएका छन् । यीसहित कुल निको हुनेको संख्या ६८ हजार ६६८ पुगेको छ।
हाल देशभर सक्रिय संक्रमितको संख्या २५ हजार ७ रहेको छ। मृतक थप १५ जनामा कोरोना पुष्टि भएको छ। यी सहित हालसम्म कोरोनाबाट ५ सय ७८ जनाको मृत्यु भएको मन्त्रालयले जनाएको छ।
