उदयपुर – उदयपुरको चौदण्डीगढी नगरपालिका ९ स्थित एक घरमा आगलागी भएको छ । हडियाको मुसहर्नीया स्थित स्थानीय हरिबहादुर बस्नेतको टिनको छानो भएको घर र गोठमा आगलागी भएको हो ।
मानवीय क्षति नभए पनि सो आगलागीबाट ४ वटा खसी र बाख्रा, ५० मुरी धानसंगै अन्य लत्ताकपडा भाडावर्तन सहित अनुमानित १० लाख बराबरको क्षति भएको जिल्ला प्रहरी कार्यालय उदयपुरले जनाएको छ।
प्रहरीका अनुसार आगलागीको कारण भने अहिलेसम्म खुल्न सकेको छैन । चौदण्डीगढी र त्रियुगा नगरपालिकाको वारुणयन्त्रले हाल आगलागी नियन्त्रणमा लिसकेको प्रहरीले बताएको छ।
