उदयपुर पुस ४ । उदयपुरको त्रियुगा नगरपालिका ५ मा पर्ने देउरी भलुवाई श्रीपुर जोड्ने खैरजोडी खोलामा पक्कि पुल निर्माण कार्य सुरु भएको छ । ४ करोड ३४ लाख ६४ हजार २ सय ५२ रुपैयामा निर्माण गर्न लागिएको उक्त पक्कि पुलको संघीय सांसद प्रमिला राई, प्रदेश सांसद हिमाल कार्की, प्रदेश संसद सज्जा दनुवार, त्रियुगा नगरपालिकाकी उपमेयर देवी चौधरी र नेपाली कांग्रेसका क्षेत्रिय सहसभापति बसन्त बस्नेतले संयुक्त रुपमा सिलान्यास गरेका हुन।
पक्कि पुलको सिलान्यास गर्दै नेताहरुले त्रियुगा नगरपालिकाको बिकासमा यो पुलले महत्वपूर्ण भूमिका खेल्ने बताए। देउरी भालुवाई र श्रीपुर क्षेत्र नगरपालिकाको महत्वपूर्ण र कृषि योग्य क्षेत्र भएकाले यस क्षेत्रको बिकासमा सबैले लाग्नु पर्ने बताए।
कृषि योग्य योग्य क्षेत्रहरुलाई त्रियुगा नगरले उपेक्षा गरेको भन्दै त्रियुगा नगरका छाया सरकार प्रमुख समेत रहेका बसन्त बस्नेतले कृषि क्षेत्रमा नगरलाई स्थानीय सरकारले पछि पारेको आरोप लगाए । बस्नेतले उदयपुर जस्तो भित्रि मधेसको कृषि क्षेत्रमा उर्वर मानिने जिल्ला समेत कृषिमा आत्म निर्भर बन्न नसक्नु भनेको दुर्भाग्यपूर्ण रहेको उल्लेख गरे।
भौतिक पूर्वाधार मन्त्रालय अन्तर्गत, पुर्वाधार विकास कार्यालय उदयपुरको कुल ४ करोड करोढ ३४ लाख ६४ हजारको लागतमा निर्माण हुन लागेको तिन स्पामको पुलको ७१.४० मिटर लम्बाई र चौडाई १० मिटर रहेको छ।
२०७८ सालको जेठको पहिलो हप्ता नै ठेक्का सम्जौता भएको पुलको निर्माण गर्ने जिम्मा पवित्रा निर्माण सेवा उदयपुरले पाएको छ । २०७८ सालको कार्तिक मसान्त भित्रमा पुल निर्माण गरिसक्नु पर्ने गरि ठेक्का सम्जौता भएको छ।
