सरकार र विप्लव समूहबीचको वार्ता सकारात्मक दिशाउन्मूख रहेको सरकारी पक्षले जनाएको छ। सरकारी वार्ता टोलीका सदस्य डा. राजन भट्टराईका अनुसार आज बुधबार बिहान पहिलो चरणको वार्ता सम्पन्न भएको हो।
‘नेपाल सरकार र नेत्रविक्रम चन्द (विप्लव) ले नेतृत्व गर्नु भएको नेकपाका वार्ता टोलीबीच पहिलो चरणको वार्ता आज बिहान सम्पन्न भएको छ। वार्ता सकारात्मक दिशाउन्मुख रहेको जानकारी गराउँदछु,’ भट्टराईले भनेका छन्।
विप्लव समूहका एक नेताका अनुसार भने दुई पक्षबीच तीन–बुँदे सहमति समेत भइसकेको बताए। ‘थप छलफलपछि अनुकूल समयमा त्यसलाई सार्वजनिक गर्ने कुरा भएको छ,’ ती नेताले भने।
