स्थानीय ब्यावसायीहरुको साझा संगठन त्रियुगा उद्योग बाणिज्य संघ उदयपुरको नेतृत्वका लागि लोकतान्त्रिक समुहबाट रमेश रसाईली उठ्ने भएका छन ।
आउदो २०७८ जेष्ठ १५ गते हुने अधिवेशनका लागी लोकतान्त्रिक समुहबाट रसाइलीले नेतृत्व गर्ने तय भएको हो ।
अधिवेशनमार्फत नयाँ नेतृत्व चयन हुने व्यवस्था अनुसार लोकतान्त्रिक समुह को नेतृत्व गर्ने रसाईलीको समुहलाई मत दिएर जिताउन उदयपुर कांग्रेसले आफू निकट व्यापारी तथा व्यवसायीहरुलाई आग्रह गरेको छ ।
आज सोम्बार बसेको उदयपुर कांग्रेस जिल्ला समितिको निर्णय अनुसार रसाइलीको समुहलाई जिताउन ९ सदस्यीय अधिबेशन समन्वय समिती समेत बनेको छ ।
वसन्त बस्नेत, मनोज कुमार बस्नेत, सरोज बस्नेत, राजेश चन्द्र श्रेष्ठ, भिमचन्द्र राई, तिलकबहादुर कटुवाल, सरिता राइ, सुमन्त कोईराला, र बिजय सिङ्गलाई अधिबेशन समन्वय समिति तोकेको नेपाली कांग्रेस उदयपुरका क्षेत्रीय सह-सभापति बसन्त बस्नेतले जानकारी दिए ।
कांग्रेसको जिल्ला समितिले निर्णय गरेर लोकतान्त्रिक समुहको नेतृत्व गर्न रसाईलीलाई दिए पछि यस्को नेतृत्व लिन र सम्पुर्ण ब्याबसायी हरुलाई एकजुट बनाएर लैजान प्रयत्न गर्ने रसाईलीले बताए ।
