

उदयपुर । चैत २५ गते हुने नेपाल पत्रकार महासंघको २६ औँ महाधिवेशनका लागी नेपाल पत्रकार महासंघ उदयपुर शाखाको अध्यक्ष पदमा दुई जनाले उमेदवारी दिएका छन् । निवर्तमान जिल्ला कार्यसमितिका अध्यक्ष भरत खड्का दोहोरिदै र उपाध्यक्ष भोटराज राइले उम्मेदवारी दिएका हुन ।
प्रेस सेन्टर र प्रेस चौतारी नेपाल माधव नेपाल समूहबाट राईले उम्मेद्ववारी हुन् भने नेपाल प्रेस यूनियन, प्रेस चौतारी नेपाल केपी ओली समूह र प्रेस मञ्चको खड्काले साँझा उम्मेद्ववारी हुन् ।
खड्का र राई उदयपुरमा रहेर लामो समय देखि पत्रकारिता गर्दै आएका ब्याक्ती हुन । निबर्तमान अध्यक्ष खड्काले कोरोना कहरका बेला पत्रकारहरुको हितको बिषयमा आवाज उठाएर राम्रो छवि बनाएका छन भने राई पनि स्थानीय पत्रकारिता लाई प्रबर्द्धन गर्नु पर्ने कुरामा आवाज उठाउदै आएका छन ।
खड्काको समुहमा उपाध्यक्ष पदका लागि कान्तिपुर टेलिभिजनमा कार्यरत पर्शुराम थापा, महिला उपाध्यक्षका लागि रेवती पराजुली, सचिबमा बिश्वराज तामाङ्ग लगाएतका उम्मेद्वार रहेका छन ।
राइको प्यानलमा उपाध्यक्ष पदका लागि नेपाल टेलिभिजनमा कार्यरत तुलसी कोइराला,महिला उपाध्यक्ष गँगा राई,सचिवमा अप्सरा समाल लगायतका उम्मेदवार छन ।