उदयपुर । नयाँ भेरियन्ट सहितको दोस्रो कोरोना भाइरस(कोभिड१९) को संभावित जोखिमलाई न्यूनीकरण गर्न फ्रन्ट लाइनमा खटिने उदयपुरका सुरक्षाकर्मीलाई माक्स तथा सेनिटाइजर बितरण गरिएको छ ।
त्रियुगा उद्योग बाणिज्य संघ उदयपुर गाइघाटका प्रथम उपाध्यक्ष रमेश रसाइली नेतृत्वको टिमले ४ हजार थान बढी माक्स तथा सेनिटाइजर बितरण गरेको हो ।
त्रियुगा नगरपालिका भित्र पर्ने सबै प्रहरी कार्यलय तथा प्रहरी अस्थाई बिटमा समेत पुगेर माक्स तथा सेनिटाइजर बितरण गरेको सोही टिमका सदस्य बिनोद पाण्डेले जानकारी दिए ।
कोरोनाको महामारिमा जनतालाई सचेत गराउदै घर-घरमा बस्न आग्रह गरेर आफू दिन भर सडकमा खटिने सुरक्षाकर्मीको बारेमा हामी आम नागरिकले पनि सोच्नु पर्ने बेला आएको उपाध्यक्ष रसाइलीले बताए ।
“सुरक्षाकर्मी, पत्रकारहरुले ज्यानको बाजि राखेर हाम्रो लागि सुरक्षाका साथ स्वास्थ्यको पनि ख्याल गरि दिनु भएको छ,” रासाइलीले भने, “उहाँहरुलाई पनि हामीले सकेको सहयोग गर्ने हो, माक्स र सेनिटाइजरले केही भए पनि संभावित जोखिम लाई न्यूनीकरण गर्न सहयोग गर्छ ।”
