उदयपुरमा चट्याङ लागेर ७ ओटा बाख्रा मरेका छन । चौदण्डीगढी नगरपालिका ८ सिद्धिपुर स्थित नगेन्द्र राईका ७ ओटा बाख्रा चर्दै गरेका ठाउमा चट्याङ लाग्दा मरेका हुन् । शुक्रबार जंगलमा चराउन लैजाने क्रममा अविरल बर्षा सँगै परेको चट्याङले ७ ओटा बाख्रा एकै पटकमा मरेपछि कृषक राई रुनु न हास्नु भएका छन्।
राईले एकै पटक ७ ओटा बाख्रा मारेपछि आफ्नो पशु व्यवसायमा ठुलो घाटा पुगेको बताए । उनले यस घाटामा सम्बन्धित निकाय र स्थानीय सरकारले राहत सहयोग गर्न आग्रह गरेका छन्।
कूल १९ वटा खसी बाख्रामध्ये ७ वटा ब्याउने माउबाख्रा लाई एक्कासी परेको चट्याङ लागेर मरेको कृषक राईले बताए । उक्त घटनाबाट अन्दाजी १ लाख बरावरको क्षती पुगेको कृषक राई बताउछन।
