उदयपुरको त्रियुगा नगरपालिका वडा नं. ६ की कृशला चौधरीको हत्यामा संलग्नलाई प्रहरीले सोमबार पत्रकार सम्मेलन गर्दै सार्वजनिक गरेको छ । घटनामा संलग्न सप्तरीको सुरुङगा नगरपालिका १ बस्ने २७ बर्षिय उचितलाल सदा र २३ बर्षिय विषे सदालाई पक्राउ पछि प्रहरीले सार्वजनिक गरेको हो ।
आफ्नो घरवार विगारिदिएको बदला स्वरुप क्रिशलाको हत्या गरेको उचितलाल सदाले प्रहरी समक्ष बयान दिएको प्रहरीले जनाएको छ। कृशला हत्यामा परिवारले बताए अनुसार जस्तो बलत्कार, एसिडको प्रयोग भएको भन्ने कुरा पोष्टमार्ट रिपोर्टमा पुष्टि नभएको प्रहरीले जनाएको छ ।
श्रावण १३ गते देखि हराएकी चौधरीको राजदेवी सामुदायीक वन रातमाटे खहरे खोलामा पहिचान गर्न नसक्ने अबस्थामा सब फेला परेको थियो ।
