चौदण्डीगढी नगरपालिका वडा नं. ६ सातधारे स्थित उदयपुर कोभिड अस्पतालबाट ६ जनालाई (डिस्चार्ज) गरिएको छ ।
बुधबार डिस्चार्ज हुनेमा २ पुरुष र ४ महिलागरी ६ जना डिस्चार्ज भएका हुन् । बुधबार ११ जनामा गरिएको एन्टिजेन्ट परीक्षणमा एक जनामा संक्रमण पुष्टि भएको अस्पतालले जनाएको छ । त्यस्तै अहिले सो अस्पतालमा ३ पुरुष र ४ महिलागरी ७ जनामात्र रहेको अस्पतालले जनाएको छ ।
संक्रमणकालिन अवस्थामा ५ सय २९ जना भएको अस्पतालमा ४ सय ७८ जना निको भएर घर फर्किएका छन् भने २ जनाको निधन भइसकेको छ ।
कोरोना संक्रमण दर घटेपनि जोखिम उत्तिकै रहेकोले स्वास्थ्य मापदण्डको पालना गर्न अस्पतालले अग्रह गरेको छ ।
