नेपाली कांग्रेस उदयपुरले आसन्न निर्वाचनमा पार्टीको टिकटलाई लिएर असन्तुष्टि जनाउँदै पार्टी जिम्मेवारी बाट बाहिरिने कार्यकर्तालाई सचेत गराउदै गम्भीर ध्यानाकर्षण भएको जनाएको छ ।
कांग्रेस उदयपुरका सभापति हिमाल कार्कीले ध्यानकर्षण पत्र लेख्दै गठबन्धन र पार्टीको टिकट वितरणलाई लिएर निर्वाचनको मुखैमा पार्टी जिम्मेवारीबाट बाहिर जाने निर्णय गरेका र पार्टीको निर्णय बिपरित बागी उम्मेद्वारी दिएकाहरुलाई सचेत गराउदै बाहिर जाने कार्यकर्तालाई आ-आफ्नै जिम्मेवारीमा फर्कन र बागी उम्मेद्वारलाई आफ्नो मनोनयन फिर्ता लिन निर्देशन दिएको हो।
केन्द्रको निर्देशन अनुसार उदयपुरको बेलका नगरपालिकामा कांग्रेसले नेकपा माओवादी र नेकपा एस सँग चुनावी तालमेल गरेर जाने निर्णय गरेको छ । चुनावी तालमेल पछि कांग्रेसले मेयर र माओवादीले उपमेयर पाएको छ ।
गठबन्धन र आफ्नै पार्टीका मानिसले पाएको टिकटको बिषयमा असन्तुष्टि राख्दै हालै बेलकामा १५ जना बढि कार्यकर्ताताले सामुहिक राजिनामा दिएका थिए ।
