उदयपुर । नेपाली कांग्रेस त्रियुगा नगरपालिका वडा नं १२ ले आफ्नो घोषणा पत्र सार्वजनिक गरेको छ । आज वडा कमिटिको कार्यलयमा वडाका प्रतिनिधि र उम्मेद्वार लगाएत अग्रज कांग्रेसका कार्यकर्ता बसेर घोषणा पत्र सार्वजनिक गरिएको हो ।
कांग्रेस वडा कार्यसमितिले तयार गरेको घोषणा पत्रमा आम नागरिकका जनजिविका र युवा माहिला शसक्तिकरणलाई बिशेष ध्यान दिइएको छ । कृषीमा अनुदान र सस्तो ब्याजमा रिन दिने समेत घोषणा पत्रमा समेटिएको छ ।
स्वास्थ्य र शिक्षालाई महत्व दिएको घोषणा पत्रले समग्र वडाबासीहरुको स्वास्थ्य बिमा आफैले गरिदिने प्रतिबद्धता जाहेर गरेको छ । १० कक्षा सम्मको शिक्षालाई निशुल्क बनाउने र गरिव जेहन्दार विद्यार्थीको लागि छात्रबृतिको ब्याबस्था गरेको जनाएको छ ।
सामाजिक सुरक्षा भत्तालाई वडामा रहेका कर्मचारी र जनप्रतिनिधि मार्फत घरघरमा पुर्याउने उल्लेखको कांग्रेस त्रि.न.पा १२ले महिला पुरुष बराबर भनेर “महिला र पुरुष सँगसँगै” भन्ने नारा अघि बढाएको छ ।
