उदयपुर । त्रियुगा नगरपालिका वडा नं ३ का नव–निर्वाचित वडाअध्यक्ष तिलक कटुवालले महत्वपूर्ण तीन निर्णय गर्दै जेठ १८ गते बुधबार आफ्नो पदभार ग्रहण गरेका छन ।
नगर प्रमुख बसन्त कुमार बस्नेतबाट सपथ ग्रहण गरे पश्चात वडाअध्यक्ष कटुवालले वडा कार्यालयमा आफ्नो पदभार ग्रहण गर्दै वडा नं ३ का मतदाताहरुले उत्साहपूर्वक सहभागिता जनाई निर्वाचित गराउनु भएकोमा हार्दिक आभारसहित धन्यवाद व्यक्त गर्दै आम मतदाता तथा वडाबासीहरुको अपेक्षालाई सम्बोधन गर्ने प्रतिबद्धता व्यक्त गरेका छन ।
अध्यक्ष कटुवालले त्रियुगा नगरपालिका वडा नम्बर ३ भित्रका कक्षा ५ सम्मका सम्पूर्ण बालबालिकाहरुलाई चालु शैक्षिक शत्रमानै निःशुल्क विद्यालय पोशाक वितरण गर्ने निर्णय गरेका छन ।
यस्तै वडा भित्रका महिलाहरुलाई स्वास्थ्य चौकी मार्फत निःशुल्क स्यानेटरी प्याड उपलब्ध गराउने र सडक बत्ती वडाका सबै क्षेत्रमा तत्काल व्यवस्था गर्ने निर्णय गरिएको वडा अध्यक्ष कटुवालले जानकारी दिए ।
