उदयपुर । उदयपुरको चौदण्डी गढी नगरपालिकामा एक जनाको करेन्ट लागेर मृत्यु भएको छ । करेन्ट लागेर घाइते भएका ४७ बर्षिय पुरुषको उपचारको क्रममा मृत्यु भएको हो ।
चौदण्डी गढी नगरपालिका ४ बस्ने धन कुमार राईलाई आफु सुत्ने कोठाको ढोका लाउने क्रममा करेन्ट लागेको थियो । करेन्ट लागे पछि उपचारको लागि चौदण्डी गढी अस्पताल बेल्टार ल्याएकोमा उपचारको क्रममा उनको मृत्यु भएको प्रहरीले जनाएको छ ।
घटनाको बिस्तृत बिवरण बुझ्नका लागि घटना स्थलमा प्रहरीले अनुसन्धान गरिरहेको प्रहरीको भनाई छ ।
