उदयपुर । त्रियुगा नगरपालिकामा रहेका बिषयगत समितिका संयोजक टुंगो लागेको छ । नगरमा कार्यभार सम्हालेको १ महिना पछि नगर प्रमुख बसन्त कुमार बस्नेतले विषयगत समितिको संयोजक तोकेका हुन ।
नेपाली काग्रेस , नेकपा एमाले र माओवादी केन्द्रले दुई-दुईवटा विषयगत समिति पाउने गरि नगर प्रमुख बस्नेतले भागबण्डा लगाएका छन ।
सामाजिक विकास समितिको संयोजकमा वडा नंवर ५ का वडा अध्यक्ष उद्धव कुमार थापा, सार्वजनिक सेवा तथा क्षमता विकास समितिको संयोजकमा वडा नंवर ४ का वडा अध्यक्ष बद्री बस्नेत, आर्थिक विकास समितिको संयोजकमा वडा नम्बर २ का वडा अध्यक्ष घमासिंह खत्री(धुर्व), वातावरण तथा विपद् व्यवस्थापन समितिको संयोजकमा वडा नंवर १० का वडा अध्यक्ष किरण पाण्डेलाई तोकेका छन ।
त्यस्तै पूर्वाधार विकास समितिको संयोजकमा वडा नंवर १६ का वडा अध्यक्ष मानबहादुर राई, विधेयक समितिको संयोजकमा वडा नंवर १४ का वडा अध्यक्ष हिमराज मगर संयोजक तोकिएका छन ।
वडा नंवर ३ का वडा अध्यक्ष तिलक बहादुर कटुवाललाई नगर प्रवक्ताको जिम्मेवारी दिइएको छ ।
