उदयपुर । उदयपुरमा एक शिक्षकले मरणासन्न हुने गरि बिद्यार्थीलाई कुटपिट गरेका छन् । उदयपुरगढी गाउँपालिका ५ स्थित आधारभुत बिद्यालय केउरिनीमा कक्षा १ मा अध्ययनरत ६ बर्षिय बालक प्रमोद रोकालाई प्रधानाध्यापक जिवन श्रेष्ठले निर्घात कुटपिट गरेका हुन् ।
प्रधानाध्यापक श्रेष्ठले बालकलाई बाँसको भाटाले शरीर भरी निलडाम हुने गरि कुटपिट गरेको तस्वीर अहिले सामाजिक सञ्जाल फेसबुकमा भाइरल भएको छ ।
बिहिबार बिद्यालयले आयोजना गरेको बक्तृत्वकला कार्यक्रममा पछाडी बसेर हल्ला गरेको भन्दै कुटपिट गरेको खुलेको छ ।
सामाजिक संजालमा भाइरल भएको तस्वीर र पोष्टमा अधिकांश प्रयोगकर्ताले नाबालक बिद्यार्थीलाई निर्घात कुटपिट गर्ने प्रधानाध्यापक श्रेष्ठलाई दोषी करार गरि कडा कारबाही हुनुपर्ने माग गरेका छन् ।
आफ्नो नाबालक छोरालाई सामान्य बिषयमा मरणासन्न हुनेगरि कुटपिट गरिएकोमा बुवा राजु रोकाले प्रधानाध्यापक श्रेष्ठलाई कडा कारबाही गर्नुपर्ने माग गरेका छन् ।
यता बिद्यालयका प्रधानाध्यापक श्रेष्ठले बालकलाई आफुले पिटेको भएपनि सामाजिक संजालमा सार्बजनिक भएको तस्वीर जस्तो निलडाम हुने नपिटेको बताएका छन् ।
यता पीडित नावालक बुवा रोकाले भने न्यायका लागी सरोकारवाला सबैलाई सहयोग गर्न र दोषी शिक्षकलाई कारबाहीको लागी अनुरोध गरेका छन् ।
(तस्विर : सामाजिक सञ्जाल)
