त्रियुगाको ९ औं नगर अधिबेशन सम्पन्न, विभिन्न आधा दर्जन ऐन र प्रस्ताव सर्वसम्मत पास

नगरमा वडा थप गर्ने निर्णय सर्वसम्मत
Logo
शुक्रबार, आषाढ ३१, २०७९

उदयपुर- उदयपुरको त्रियुगा नगरपालिकाको नवौं नगर अधिबेशन सम्पन्न भएको छ । नगरले अगामी आर्थिक वर्ष २०७९/८० का लागि बजेट, नीति तथा कार्यक्रम , विभिन्न बिधेयक र प्रस्तावहरु पास गर्दै अधिबेशन सम्पन्न गरेको हो ।

नगर अधिबेशनले आ.व. ०७९/८० का लागि १ अर्ब २८ करोडको ५३ लाख ३० हजार ४ सय चालीस रुपैयाँको बजेट प्रस्तुत गरेको छ ।

नगरको नवौं अधिबेशनबाट आर्थिक बिधेयक, वन तथा प्राकृतिक स्रोत संरक्षण सम्बन्धी बिधेयक र साझेदारीमा कार्यक्रम संचालन तथा व्यवस्थापन गर्ने सम्बन्धी बिधेयक सर्व सम्मत पास भएका छन ।

यस्तै नगर सभाले नगर भरी रहेका १६ वडा मध्य वडा नं ५ र ६ को चुरे जंगलबाट दक्षिण र पश्चिमका भुभागलाई लाई छुट्याएर १७ वडा बनाउने प्रस्ताव सर्वसम्मत पारित गरेको छ । भौगोलिक रुपमा नमिलेको लालपत्ता, दमौती, घन चक्रे, बुर्जा काल्ला र खार खोला लगायतका भुभाग समेटेर अलग्गै एक वडा थप गर्ने प्रस्ताव नगर सभाले सर्वसम्मत पास गरेको छ ।

नेपालको संबिधानले निर्दिष्ट गरेको सिमा हेरफेर सम्बन्धी व्यवस्था बमोजिम नगरले सो प्रस्ताव निर्णायर्थ अब प्रदेश सरकारलाई पठाउने भएको नगर प्रमुख वसन्त कुमार बस्नेतले जानकारी दिए ।

यस्तै नगरसभाले वडा नं ७ मा रहेको एक अधारभुत बिद्यालयलाई सोही वडा माताहात राख्ने निर्णय गरेको छ । राज्य पुनःसंरचना हुनुपूर्व हालको वडा नं. १६ र साविक जाल्पा चिलाउने गाबिसले सिफारिस गरि खोलिएको हुदा उतैको रेकर्डमा रहने हुदा सो बिद्यालयलाई वडा नं. ७ मै रहने गरि प्रस्ताव सर्वसम्मत पास भएको छ ।

नगरसभालाई सम्बोधन गर्दै नगरप्रमुख बस्नेतले नगरको सुशासन पारदर्शिता र समुन्नतिका लागि ल्याइएका विभिन्न प्रस्ताव , बिधेयक, बार्षिक नीति तथा कार्यक्रम र बजेट सर्वसम्मत गरि पारित गरेकोमा धन्यवाद दिए ।

टोल वडा देखि सम्पुर्ण सरोकारवालाहरु सँग छलफल गरेर बनाइएको नीति योजना तथा कार्यक्रमले सबै क्षेत्रलाई समेट्ने प्रयास गरिएको नगर प्रमुखले बताए । छोटो समयमा फास्टट्रयाक बाट सवै नीति तथा योजना बनाउन परेकोले केही कार्यक्रम छुटेको भए आउदा आर्थिक बर्षमा ती क्षेत्रलाई पनि समेट्ने उनले जनाए ।

यस्तै उप प्रमुख महेश्वरी राईले नगरको नीति तथा कार्यक्रममा आधारित भएर बजेट व्यवस्थापन गरेको र यो बजेटले समग्र क्षेत्रलाई समेट्ने बिश्वास व्यक्त गरिन ।

तपाईको प्रतिक्रिया
हाम्रो टिम

अध्यक्ष/प्रकाशक: खेमराज दाहाल
सम्पादक: शुसिला रेग्मी

बरिष्ठ संबाददाता : पर्शुराम थापा

सम्पर्क

सम्पर्क : ९८४०१६५५३५/९८५२८६५५३५
ठेगाना :-उदयपुर गाईघाट
सुचना बिभाग दर्ता नम्बर – २१५८/ ०७७-७८
इमेल:[email protected], [email protected]

हाम्रो बारे

solutonkhabar.com  अनलाइन खोज मुलक समाचारको डिजिटल समाचार माध्यम हो । मोफसलमा क्रियाशिल संचारकर्मीहरु द्वारा संचालित solutonkhabar.com र सोलुसन अनलाइन टेलीभिजनमा समसामयीक र नागरिकका असंतुष्टिहरु केलाउदै समाधान को प्रयास खोज्ने गरिन्छ ।