उदयपुर ।उदयपुरका पत्रकार डिल्लिराम खतिवडा र गोपाल पोखरेलले नेपाल प्रेस युनियनको उपाध्यक्ष र केन्द्रीय सदस्यमा उम्मेदवारी दिएका छन् ।
लामो समय देखी उदयपुरमा पत्रकारिता गर्दै आएका खतिवडाले उपाध्यक्ष र पोखरेलले केन्द्रीय सदस्यमा उम्मेदवारी दिएका हुन ।
हेटौडामा जारी प्रेस युनियनको नवौं राष्ट्रिय महाधिबेसनमा भुगोल तर्फ प्रदेश १ का लागि डिल्लीराम खतिवडाले उपाध्यक्षमा र भुगोल तर्फ पोखरेलले केन्द्रीय सदस्यमा उम्मेद्वारी दिएका छन ।
पत्रकार खतिवडा र पोखरेलले संस्थापन इतर पक्ष शिव लम्सालको टिमबाट शुक्रबार उपाध्यक्ष र केन्द्रीय सदस्यमा मनोनयन दर्ता गराएका छन् ।
संस्थागत सुदृढिकरण, पेशागत सुरक्षा, मर्यादित र व्यवसायीक पत्रकारिताको प्रवद्र्धन गर्ने उदेश्यका साथ युनियनको उपाध्यक्ष र केन्द्रीय सदस्यमा उम्मेदवारी दिएको उपाध्यक्ष र सदस्यका उम्मेदवारले बताएका छन ।
उपाध्यक्ष खतिवडा चौदण्डी नगरपालिकामा स्थाई घर भएर कान्तिपुर पत्रीकामा आवद्ध छन भने पोखरेल उदयपुरको सदरमुकाममा बसोबास गर्दै कारोबार दैनिकमा आवद्ध छन ।
