उदयपुर । उदयपुरका प्रहरी प्रमुख प्रहरी उपरीक्षक (एसपी) सुवास चन्द्र वोहोराको सरुवा भएको छ ।
एक बर्ष बढी उदयपुर बसेका बोहोराको काज सरुवा अन्तर्गत गृह मन्त्रालय प्रहरी प्रशासन सिंहदरबारमा सरुवा भएको हो ।
आइतबार गरिएको काज सरुवा अनुसार एसपी बोहोराको ठाउँमा उदयपुरमा नयाँ प्रहरी उपरीक्षक (एसपी) ज्ञानेन्द्रप्रसाद फुँयाल आउने भएका छन् ।
नेपाल प्रहरी बिशेष सुरक्षा गण धनुषा बाट उदयपुरमा फुँयाल आउने भएका हुन ।
गृह मन्त्रालयले साउन १५ गते गरेको काज सरुवामा १३ प्रहरी उपरीक्षक (एसपी)को काज सरुवा गरेको छ। सरुवासँगै चार जिल्लाका प्रहरी प्रमुख पनि फेरिएका छन्।
सुनसरीमा प्रभुप्रसाद ढकाल, उदयपुरमा ज्ञानेन्द्रप्रसाद फुँयाल, इलाममा दिलीप घिमिरे र नुवाकोटमा रमेश पण्डित प्रहरी प्रमुखका रूपमा खटिएका छन्।
