उदयपुर । त्रियुगा नगरपालिका वडा नं १ जोगिदह स्थित मैनाहा उज्वल टोलमा देखिएको खानेपानीको समस्या समाधान हुने भएको छ ।
उच्च स्तरिय भेटघाटमा काठमाडौंमा रहदा नगर प्रमुख वसन्त कुमार बस्नेतले वडा नं १ मा रहेको खानेपानीको समस्यालाई समाधान गर्न खानेपानी मन्त्रालयबाट नै प्रक्रिया अघि बढाउने गरि सिफारिस गराएका छन ।
१ करोड लागत अनुमान सहित खानेपानी आयोजनाका लागि गरिएको सिफारिसलाई मन्त्रालयले कार्यन्वयनका लागि प्रक्रिया अगाडि बढाएको छ ।
यस्तै सोही वडामा पर्ने खहरे खोलाहरुले बर्सेनि कटान गरेर लाखौं बिगा खेतीयोग्य जमिन बगाउने र सयौं बस्ती प्रभावित पार्ने गरेको हुदा ती खोलाहरुलाई नियन्त्रण गर्ने उर्जा तथा जलस्रोत मन्त्रालय समक्ष सिफारिस गरेका छन ।
मेयर बस्नेतले वडा नं १ मा पर्ने कंग खोला, बटिजोर खोला र खुरहुरे खोला नियन्त्रणका लागि करिव साढे २ करोड बजेट माग गरेका छन । मेयर बस्नेतको मागलाई मन्त्रालयले प्रक्रियागत ढंगले अगाडि बढाएको छ ।
