त्रियुगा नगरपालिकाले शुरु गर्यो डेङ्गी संक्रमण नियन्त्रण कार्य

Solution Khabar बिहिबार, भाद्र २३, २०७९ समय 06:09:48

उदयपुर । लामखुट्टेको टोकाइबाट सर्ने डेङ्गी रोग उदयपुरको गाईघाटमा पनि देखा परे पछि उक्त संक्रमण फैलन नदिने अभियानमा त्रियुगा नगरपालिका जुटेको छ ।

लामखुट्टेको टोकाई बाट सर्ने डेङ्गी रोग प्रकोपकै रूपमा फैलिन सक्ने हुँदा तत्काल सतर्कता अपनाउदै डेङ्गी रोकथामका लागि नगरपालिकाले औषधी छर्नेे काम गरेको छ ।

बर्षातको समयमा खाल्डाखुल्डीमा पानी जम्ने, झारापात धेरै हुने हुदा डेङ्गी रोग सार्ने लामखुट्टेले त्यस्ता पानी जम्ने ठाउँमा फुल पार्ने र तिनै फुल लार्भा हुँदै लामखुट्टे बन्ने हुदा त्यो जातका लामखुट्टे बढ्ने गर्दछ । त्यस्ता पानी जम्ने र झारपात भएका क्षेत्रमा औषधी छर्केर त्यो जातको लामखुट्टे बढ्न नदिने कार्य शुरु गरेको हो ।

सफा पानीमा मात्र बस्ने यो प्रजातीको लामखुट्टेले टोकेमा डेङ्गीको संक्रमण हुने गर्दछ । डेङ्गी सार्ने लामखुट्टेले सामान्यतय दिउसो मात्र टोक्ने वा सक्रिय रहने बताइन्छ ।

कालो अनि सेतो मिसिएको खुट्टा र जिउ भएको सानो अनि छिट्टो टोकेर उडि हाल्ने यो लामखुट्टेले करिब १००-१५० मिटरको दुरिसम्म उडेर टोक्ने गर्छ। यो लामखुट्टेले रोगीलाई टोकेको ८-१० दिनमा उसको जिउमा डेङ्गुको भाइरस गुणात्मक रूपमा बढ्छ । लगभग १०० दिनसम्म बाच्ने क्रममा यो लामखुट्टेले ५०० मीटरभन्दा बढी दुरि सम्म उडेर गएर टोक्ने गर्छ।

उच्च ज्वरो डेङ्गी रोगको प्रमुख लक्षणमध्ये एउटा हो। सुरुमा मन्द ज्वरो आउने र त्यो बढ्दै जाने जनस्वास्थ्यविज्ञहरूले बताएका छन ।

केही व्यक्तिमा हाडका जोर्नी र मांसपेसी दुख्ने, छालामा डाबर अथवा बिमिरा आउने, टाउको दुख्ने, वाकवाकी लाग्ने, बान्ता हुने एवम् आँखाको गेडी र हड्डी दुख्ने र बेहोस हुने तथा उच्च रक्तस्राव हुने जस्ता लक्षण पनि कतिपयमा देखिने गर्दछ ।

सम्पर्क

सोलुसन खबर  मिडिया ग्रुप  प्रा.लि.
सूचना बिभाग दर्ता नं. : –२१५१/०७७-७८
ठेगाना :- उदयपुर गाईघाट
सम्पर्क : – ९८४०१६५५३५
इमेल :- [email protected], [email protected]

सामाजिक संजाल

हाम्रो टिम

अध्यक्ष/प्रकाशक: खेमराज दाहाल
सम्पादक: शुसिला रेग्मी
प्रतिनिधि – बिना मगर, बिनोद अधिकारी

हाम्रो बारे

solutonkhabar.com  अनलाइन खोज मुलक समाचारको डिजिटल समाचार माध्यम हो । मोफसलमा क्रियाशिल संचारकर्मीहरु द्वारा संचालित solutonkhabar.com र सोलुसन अनलाइन टेलीभिजनमा समसामयीक र नागरिकका असंतुष्टिहरु केलाउदै समाधान को प्रयास खोज्ने गरिन्छ ।