उदयपुर । त्रियुगा उद्योग बाणिज्य संघ गाईघाटले बजारका मुख्य सडकहरुमा जेब्रा क्रसिङ निर्माण थालेको छ ।
बढी भिडभाड हुने र पैदलयात्रुले बाटो क्रस गर्ने स्थानलाई मध्य नजर गर्दै जेब्रा क्रसिङ निर्माण गरिएको संघका अध्यक्ष रमेश रसाइलीले बताए ।
गाइघाट बजार क्षेत्रमा मदन भण्डारी राजमार्ग समेत पर्ने भएकोले सो सडकमा जेब्रा क्रसिङ अनिबार्य भएकोले सो सडक सहित बजारका अन्य भिडभाड हुने र पैदलयात्रु बढी ओहोरदोहोर गर्ने सडकमा जेब्रा क्रसिङ निर्माण गर्ने अध्यक्ष रसाइलीले बताए ।
बिद्यालय क्षेत्रमा स-साना विद्यार्थी समेत बाटो काट्न पर्ने, बृद्धबृद्धाहरुलाई समेत बाटो काट्न सकस देखिको र दुर्घटना समेत हुने देखिएको हुदा दुर्घटनालाई न्यूनीकरण गर्न जेब्रा क्रसिङ निर्माण गरिएको अध्यक्ष रसाइलीले जानकारी दिए ।
जिल्ला ट्राफिक कार्यालय उदयपुरको सहकार्यमा जेब्रा क्रसिङको काम गरिएको हो । जेब्रा क्रसिङ निर्माणले निश्चित स्थानबाट यात्रुहरुलाई बाटो काट्न मदद्त गर्दै दुर्घटनालाई नियन्त्रणमा सहज गराउन मदत पुग्ने व्यवसायी तथा आम जनताको बुझाई छ ।
