उदयपुर । नेपाल विद्यार्थी संघ (नेविसंघ) उदयपुरले जिल्ला कार्यसमितिको विस्तार गरेको छ । नेविसंघ उदयपुरका अध्यक्ष रोशन कार्कीको अध्यक्षता बसेको बैठकले नेविसंघ जिल्ला कार्यसमितीको विस्तार गरेको हो ।
नेविसंघ केन्द्रीय कार्यसमितिले पुस ९ गते अध्यक्षको जिम्मेवारी रोशन कार्कीलाई दिएको थियो । अध्यक्षको जिम्मेवारी पाएको एक महिना पछि अध्यक्ष कार्कीले कार्यसमितिलाई विस्तार गरेका हुन ।
अध्यक्षमा कार्की सहित ३१ सदस्यीय जिल्ला कार्यसमिति बनेको छ । बनेको नयाँ जिल्ला कार्यसमितिमा उपाध्यक्ष आसन दाहाल र बिबस राई रहेका छन भने रुपेश दनुवारलाई सचिवको जिम्मेवारी दिइएको छ ।
यस्तै सह सचिवमा रमेश राउत र कोषाध्यक्षको जिम्मेवारी मिलन दनुवारलाई दिइएको अध्यक्ष कार्कीले जानकारी दिएका छन । निवर्तमान नेविसंघ अध्यक्ष सन्तोष कोईराला पार्टीका पदाधिकारी सहितको बैठकले नेविसंघलाई विस्तार गरेको हो ।
त्रिभुवन विश्वविद्यालयले लामो समयपछि स्वतन्त्र विद्यार्थी युनियनको निर्वाचनको मिति घोषणा गरेपछि नेविसंघ उदयपुरले पनि स्ववियु निर्वाचनमा शसक्त भएर निर्वाचनमा भाग लिने अध्यक्ष कार्कीले बताए ।
नोट : जिल्ला कार्यसमिति विस्तार हुन पर्नेमा पूर्णता हुन गएकोमा सच्याइएको छ ।
