उदयपुर । उदयपुरको मदनभण्डारी लोकमार्ग अन्तरगत त्रियुगा नगरपालिका ११ स्थित मुख्यचोक नजिकै ट्रकको ठक्करबाट एकको मृत्युु भएको छ । ट्रकको ठक्करबाट मृत्यु हुँनेमा त्रियुगा नगरपालिका वडा नम्बर १४ स्थित साउनेका अन्दाजी ४५ बर्षिय तारिणी थापा मगर रहेका छन ।
आईतबार बिहान करिव पौने ६ बजेको समयमा मदनभण्डारी लोकमार्गमा पर्ने गाईघाट बजारको मुख्यचोक नजिकै पश्चिमबाट पुर्बतर्फ जाँदै गरेको मे १ ख २१४८ नं को मालबाहक ट्रकले प्र.नं.१–०५–००१ प.६१५९ नम्बरको मोटरसाइकललाई ठक्कर दिँदा मोटरसाइकल चालकको घट्ना स्थलमै मृत्यु भएको हो ।
मोटरसाईकललाई ठक्कर दिने ट्रक ड्राइभर र ट्रक प्रहरीले अनुसन्धानको लागि जिल्ला प्रहरी कार्यालय उदयपुर लगेको छ । मृतक थापा त्रियुगा नगर कार्यपालिका सदस्य रेखा थापा मगरका श्रीमान हुन ।
