शाहीखोलामा ४० हजार जनसंख्यालाई पुग्ने बृहत खानेपानी बितरण शुरु

Logo
शनिबार, बैशाख ०२, २०८०

उदयपुर । उदयपुरको त्रियुगा नगरपालिकामा निर्माणाधीन वृहत पम्पिङ खानेपानी आयोजनाको शनिबार नगर प्रमुख वसन्त बस्नेतले उद्घाटन गर्नु भएको छ । त्रियुगा नगरपालिका वडा नं. ८ र १६ का ९ सय घरधुरीमा खानेपानी पुर्‍याउने उद्देश्यका साथ वृहत शाहीखोला पम्पिङ खानेपानी आयोजना निर्माण भइरहेको छ ।

करिव ३ करोड लागतमा निर्माण भइरहेको आयोजनामा हाल सम्म ८० लाख बढीको काम भैसकेको छ । बहुबर्षिय परिआयोजना अन्तर्गत हाल सम्म खानेपानीको मुहानमा रिजर्भ ट्याङ्की निर्माण गरेर यस अघि संचालनमा रहेका पुराना ट्याङ्कीमा पानी हालेर खानेपानीको बितरण शुरु गरिएको हो ।

यस अघि स्थानीय शाहीखोलाबाट खोलाको पानी ल्याएर खोलाको धमिलो खानेपानी प्रयोग गर्दै आएका थिए । अहिले प्रदेश सरकारको लगानीमा बनेको खानेपानी आयोजनाबाट पुरानै ट्याङ्की मार्फत भए पनि स्वच्छ खानेपानी पाएपछी गाउँका स्थानीयहरुले खोलाको धमिलो खानेपानी खान बाध्यता टरेको छ ।

खानेपानी आयोजनाको उद्घाटन गर्दै त्रियुगा नगरपालिकाका मेयर बसन्त कुमार बस्नेतले त्रियुगा नगरपालिकामा संचालित २४ वटा खानेपानी योजना यसै बर्ष भित्र सम्पन्न गरेर खानेपानिको समस्या अन्त्य गर्ने बताउनु भयो । उहाँले खानेपानीमा राजनीति नगरी यसको संरक्षणमा सवै लाग्नु पर्ने धारण व्यक्त गर्नु भयो ।

निर्माणधीन खानेपानीबाट उक्त वडाका ९ सय घर धुरीलाई खानेपानी सुविधा पुग्ने शाहिखोला सामुदायिक खानेपानी तथा सरसफाइ उपभोक्ता समितिले जनाएको छ ।

स्थानीय आपसोता खोलामा भुमिगत पानी विद्युतको माध्यमबाट १७ सय मिटर टाढा रहेको रिजर्व ट्याङ्कीबाट खानेपानीको वितरण सुरु गरिएको उपभोक्ता समितिका अध्यक्ष मदनराज कटुवालले जानकारी दिनु भयो । अध्यक्ष कटुवालका अनुसार अहिले संचालनमा रहेका पुराना खानेपानी ट्याङ्कीमा पानी मिसाएर १ सय ४० धारामा पानी उपलब्ध गराइने छ ।

 

तपाईको प्रतिक्रिया
हाम्रो बारे

solutonkhabar.com  अनलाइन खोज मुलक समाचारको डिजिटल समाचार माध्यम हो । मोफसलमा क्रियाशिल संचारकर्मीहरु द्वारा संचालित solutonkhabar.com र सोलुसन अनलाइन टेलीभिजनमा समसामयीक र नागरिकका असंतुष्टिहरु केलाउदै समाधान को प्रयास खोज्ने गरिन्छ ।

हाम्रो टिम

अध्यक्ष/प्रकाशक: खेमराज दाहाल
सम्पादक: शुसिला रेग्मी

सम्पर्क

सोलुसन खबर  मिडिया ग्रुप  प्रा.लि.
सूचना बिभाग दर्ता नं. : – २१५१/०७७-७८
ठेगाना :- उदयपुर गाईघाट
सम्पर्क : – ९८४०१६५५३५
इमेल :- [email protected]
[email protected]