उदयपुर । मदन भण्डारी लोकमार्ग अन्तर्गत उदयपुरगढी गाउँपालिका वडा नं. ५ स्थित मौवासी खोला पुल नजिक पहिरो जाँदा सडक अवरुद्ध भएको छ । आइतबार (आज) विहान अन्दाजी साढे ३ बजे देखी गएको पहिरोका कारण लोकमार्ग अवरुद्ध भएको हो ।
जिल्ला प्रहरी कार्यालय उदयपुरले दिएको जानकारी अनुसार बिहानै देखी गएको पहिरो खुलाउने कोशिस गरिएको भएपनि लगातारको बर्षाका कारण पहिरो खुलाउन सकिएको छैन । पहिरोले झन्डै ५० मिटर भन्दा धेरै बाटो अवरुद्ध गरेका कारण र लगातार पहिरो गई रहेका कारण अवरुद्ध सडक खुलाउन नसकी रहेको प्रहरीले जनाएको छ ।
हाल पश्चिम बाट पुर्व तर्फ हिडेका लामोदुरीका सवारी साधनलाइ कटारीबाटै अर्को बाटो पठाइएको छ भने पुर्वबाट पश्चिम हिडेका सवारीलाई गाईघाट बाटै अर्को बाटो पठाईदै आइएको जिल्ला ट्राफिक प्रहारी कार्यालय गाईघाटले जनाएको छ ।
सडक विभागको जेजिवी पहिरो गएको स्थानमै रहेका कारण बर्षा रोकिनासाथ पहिरो खुलाउने काम सुरु गरिने समेत जिल्ला ट्राफिक प्रहारी कार्यालय गाईघाटले जानकरी दिएको छ ।
