गाईघाट । उदयपुरमा एक युवक मृत अवस्थामा फेला परेका छन । त्रियुगा नगरपालिका वडा नं २ भुल्के स्थित सडक नजिकै २० वर्षीय आनन्द चौधरी मृत फेला परेका हुन ।
गाईघाट फत्तेपुर सडक अन्तर्गत भुल्केमा निर्माणधीन होमपाइपको खाल्डोमा चौधरी मृत फेला परेका हुन । खाल्डोमा मानिस लडिरहेको अवस्थामा स्थानीयले देखे पछि प्रहरीलाई खवर गरेका थिए ।
स्थानीयको खवर पछि तत्काल जिल्ला प्रहरी कार्यलयबाट खटिएको टोलीले घटना स्थलको बृस्तृत विवरण तयार पारी शव उठाएको थियो ।
प्रहरीको प्रारम्भिक अनुसन्धान बाट घटना राती भएको हुन सक्ने र सवारी दुर्घटना भएको हुन सक्ने देखिएको छ । मृतक चौधरीको शव नजिकै स २ प ६६२२ नम्बरको मोटरसाइकल समेत दुर्घटना ग्रस्त अवस्थामा फेला परेको छ ।
मृतक चौधरी त्रियुगा नगरपालिका वडा नं २ मोतियाहीका स्थानीय रहेको जिल्ला प्रहरी कार्यलयले जनाएको छ । यता घटना स्थलको प्रकृति हेर्दा मृतक चौधरीको शव भएको स्थान र मोटरसाइकल रहेको स्थान निकै वरपर रहेकाले घटना संकास्पद रहेको परिवारको दावी छ ।
मृतक चौधरीको शव पोष्ट मार्टमका लागि जिल्ला अस्पताल उदयपुरमा राखिएको छ भने घटनको सुक्ष्म ढंगले अध्ययन भैरहेको प्रहरीले जनाएको छ ।
