उदयपुर । बिसनपुर हरित पार्कमा आन्तरिक पर्यटन प्रवर्द्धन गर्ने उदेश्यले बनाएका विभिन्न संरचनाहरुको आज उद्घाटन गरिएको छ । हरित पार्क भित्र बनाएको बाल उद्य्यान, वाटर फाउन्टेनको त्रियुगा नगरपालिकाका नगर प्रमुख बसन्त बस्नेतले उद्घाटन गर्नु भएको हो ।
मन्दिर, थारु संग्राहलय, पोखरी सहित रहेको हरित पार्कमा अहिले बाल उद्यान, वाटर फाउन्टेन र फ्रड लाइट सहित िस्ट्रट लाइट थपेर मनोरञ्जन लिन सकिने ठाउँको रुपमा बिकास गरिएको छ । फोटो भिडियो खिच्न, आनन्द लिन, मनोरञ्जन लिन र टिकटक बनाउने जाने स्थानको रुपमा बिकास हुँदै गएको बिसनपुर हरित पार्क अहिले पहिलो रोजाई बनेको छ ।
हरित पार्क बनेको स्थान भनेको त्रियुगा नदिको नदि उकास जग्गा हो । नदि उकास जग्गालाई त्यहाँका आदीबासी चौधरीहरुले संरक्षण गरेर राखेको हुँदा संरक्षित जग्गालाई आम नागरिकले उपयोग र मनोरञ्जन लिने ठाँउको रुपमा बिकास गरेको नगर प्रमुख बसन्त बस्नेतले बताउनु भयो । बिसनपुरमा थप अन्तर्राष्ट्रिय स्तरको रंगशाली निर्माण, निर्माणधीन झोलुङ्गे पुलको सजावट गर्दै बिसनपुरलाई पर्यटकीय स्थलको रुपमा बिकास गर्ने योजना अनुसार काम गरिरहेको मेयर बस्नेतले बताउनु भयो ।
