उदयपुर । तिजको अवसरमा त्रियुगा नगरपालिकाले भव्य कार्यक्रम मेला गरेर महिलाहरुलाई मनोरञ्जन गराएर तिजको समापन गरेको छ । गाईघाटको पिलल चोकमा कार्यक्रमको आयोजना गरि तिज गितमा महिलाहरुलाई नृत्य प्रतियोगिता गराएर भव्यताका साथ तिजको समापन गरेको हो ।
कार्यक्रमका साथ तिजको समापन कार्यक्रमका प्रमुख अतिथि तथा अतिथिहरुले सामुहिक पानी खाएर गरेका थिए । त्रियुगा नगरपालिकाका नगर प्रमुख बसन्त बस्नेतले तिजलाई भाईचारा र सद्भावको हिसावले मनाउदै संस्कार र संस्कृतिको जगेर्ना गर्ने गरि मनाउन पर्ने बताउनु भयो ।
तिज अहिले भड्किलो हुदै गएको महिनौं दिन देखी विभिन्न पार्टी प्यालेसमा गएर दर खाने नाममा पार्टी गर्ने गरेको प्रति दुख व्यक्त गर्दै हाम्रो नेपाली तिजको संस्कृति त्यस्तो नभएको बताउदै मेयर बस्नेतले टाढा रहेका माईति चेलीहरुको दुख सुख साट्ने भेला हुने आमा छोरी बाबुछोरीहरु भेटघाट गर्ने दुख सुख साट्ने पर्वको रुपमा मनाउन पर्ने बताउनु भयो ।
यस्तै उप प्रमुख महेश्वरी राईले महिलाहरुले तिजलाई उत्सवको रुपमा मनाएको प्रति खुसि व्यक्त गर्नु भयो । एक अर्का प्रति खुसि साटासाट गरेर मनाइने पर्व तिजलाई हाम्रो नेपाली संस्कार र संस्कृति अनुसार मनाउन पर्नेमा जोड दिनु भयो ।
