गाईघाट । शिक्षा क्षेत्रमा काम गर्ने अन्तर्राष्ट्रिय गैर सरकारी संस्था united wolrd schools (UWS) र त्रियुगा नगरपालिका विच त्रियुगा नगरपालिका भित्रका आधारभुत बिद्यालयको शैक्षिक सुधारका लागि सम्झौता भएको छ ।
आज त्रियुगा नगरपालिकामा नगरपालिका तर्फबाट नगर प्रमुख बसन्त बस्नेत, उप प्रमुख महेश्वरी राई, प्रमुख प्रशासकीय अधिकृत कुमार प्रसाद कोईराला, वडा अध्यक्षहरु र संस्थाका तर्फबाट संस्थाका उदयपुर प्रतिनिधि विच सहमति भएर नगरपालिका, स्थानीय जनसहभागिता र संस्था मिलेर शैक्षिक सुधारको काम गर्ने निर्णय भएको हो ।
नगर क्षेत्रका जिर्ण आधारभुत विद्यालयहरुको शैक्षिक सुधारका लागि भौतिक पूर्वाधार निर्माण, शैक्षिक सामग्री, शिक्षकलाई तालिम, शैक्षिक अनुगमन, बिद्यालय र समुदाय बिचमा सचेतना कार्यक्रमहरु गरिने नगर प्रमुख बसन्त बस्नेतले बताउनु भयो ।
स्थानीय साझेदार संस्था united wolrd schools (UWS) नेपालले आफ्नो उदेश्य वा नारा “जिरो एजुकेसन पोवर्टी (शुन्य शैक्षिक गरिवि) २०३०” बनाएर लक्ष्य वा उदेश्यमा पुग्ने योजना बनाएए काम गरिएको संस्थाका प्रतिनिधि अविनाश झाले जानकारी दिनु भयो । युडब्लुएस(UWS) ले अहिले सम्म देशभरका २७ भन्दा बढि पालिकामा काम गर्दै गरेको झाले बताउनु भयो ।
