उदयपुर । उदयपुरमा चौथो त्रियुगा नगर खेलकुद प्रतियोगिता पुस ११ देखी १४ गते सम्म हुने भएको छ ।
“राष्ट्रका लागि खेलकुद, स्वास्थ्यका लागि खेलकुद” भन्ने नारा सहित नगर युवा तथा खेलकुद विकास समिति त्रियुगाको आयोजनामा पुरानो गाआई स्थित थारुहट रंगशालाको मैदानमा चौथो त्रियुगा नगर खेलकुद प्रतियोगिता शुरु हुने भएको हो ।
प्रतियोगितामा भलिबल, कराँते, तेक्वान्दो, कर्वडी एथलेटिक्स लगायतका ५ विधाका खेलहरु खेलाइने त्रियुगा नगर खेलकुद विकास समितिका अध्यक्ष किरन कार्कीले जानकारी दिनु भयो ।
खेलकुद प्रतियोगितामा नगरपालिका भरिका बिद्यालयबाट ३ हजार बढी विद्यार्थीको सहभागीतामा मार्च पास सहित कार्यक्रमको उद्घाटन गरिने नगर प्रमुख बसन्त बस्नेतले जानकारी दिनु भयो ।
खेल मार्फत विद्यार्थीमा आत्मनिर्भर, स्वावलम्बन र अनुशासनको विकास हुने विश्वास सहित प्रतियोगिताको आयोजना गरिएको नगर प्रमुख बस्नेतले बताउनु भयो ।
